Murwiri wekodzero dzevanhu Muzvare Namatai Kwekweza avo vanotungamira sangano reWELEAD Trust vapa mudzviti kana kuti Registrar General VaHenry Machiri mazuva maviri ekuti vavape chitupa chitsva kutsviva chitsaru chavainacho kana kuti vovaendesa kumatare.
Musi wa 30 Gumiguru, vashandi ekuhofisi yamudzviti vakaramba kupa Muzvare Namatai chimwe chitupa chitsva vachiti zita ravo rainge rakaiswa pane mamwe ane vanhu vari kunzi havafanire kupihwa zvitupa nekuti vanenge vaine mhosva dziri kumatare.
Muzvare Kwekweza nevamwe vanorwira kodzero dzevanhu vatatu vakambopambwawo nevanofungidzirwa kuti vasori kubva mundege panhandare yeRobert Gabriel Mugabe International Airport vakaitwa kafiramberi.
Mutauriri wesangano remagweta ari kumiririra Muzvare Namatai reZimbabwe Lawyers for Human Rights VaKumbirai Mafunda vati hurumende haina kodzero yekunyima munhu chitupa vachiti zvinotyora kodzero dziri mubumbiro remitemo pachikamu chechimakumi matatu neshanu kana kuti 'section 35(3)'
Forum