Muimbi weChidiki Ari Kupisa, Madzimai I Candy, Ofadza Vazhinji muNyika neMusambo Wake weZimdancehall

Muchirongwa chedu chemagitare chesvondo rino tinokupai hurukuro yatakaita nemuimbi,ari kupisa pari zvino akabva kukunda mumakwikwi e 2024 Dancehall Cup Clash, Madzimai I Candy, rekuzvarwa achinzi Tadiwa Hlupo.

Muimbi uyu, uyo akaberekerwa muchipatara cheChitungwiza makore makumi maviri nemana, 24, adarika, akakurumidza kutora mwoyo yevatsigiri vakawanda munyika yose.

Madzimai I Candy akakura achiimba nziyo dzechitendero neminamato mukereke yeJohanne Masowe yeChishanu, umo achiri nanhasi uno.

Akazotanga kuimba musambo weZimdancehall achiri kuchikoro izvo anoti zvakambonetsa kutambirwa nevemhuri pamwe neshamwari dzake, asi nekuda kwekuramba akashinga netarenda rake akaramba achikura mune zvemimhanzi zvakazomusvitsa kumakwiikwi eHarare Cup Clash.

Makwikwi aya anorongwa gore roga roga nemumwe anoosimudzira vaimbi, VaPartson “Chipaz” Chimbodza, avo vane nhoroondo yekubatsira vaimbi vakawanda kwazvo muZimbabwe.

Makwikwi aya akaitirwa kunhandare yeCity Sports Centre, uko kunozivikanwa nerekuti kuGomba, kunove kunoitirwa mitambo yeZimdancehall yakawanda.

Pari zvino Madzimai I Candy ane nziyo dziri kufadza vazhinji dzakaita saHossana, Number Line, Dhaikoro naNherrea ndiMambo.

Embed share

Hurukuro NaMadzimai I Candy.

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:08:03 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player