Mutungamiri wenyika yeAmerica VaJoe Biden vati hapana chikonzero chekuita mhirizhonga inotyisa uye isina musoro sezvakaitika kuNew Orleans uko mumwe mutyairi akauraya vanhu gumi nekukuvadza vamwe makumi matatu nemashanu.
Motokati yakashandiswa ndeyemhando yeFord F-150. Motokari iyi inonzi yainge iine mureza wechikwata chinopfurikidza mwero cheISIS.
Vakamirira kutora mhiko semutungamiri wenyika VaDonald Trump vati vari kuchema nevarasikirwa nehama nevakuvara kusanganisira mapurisa emuNew Orleans aratidza hushingi pabasa ravo.
Vanhu ava vakatsikirwa panosangana migwagwa ine mukurumbira inoti Canal neBourbon Street nguva pfupi vachangopinda mugoredzva.
Matikitivha eFBI ari kuferefeta nyaya iyi pachifungidzirwa kuti ine chekuita nehutororo.
Asi zvinonzi munhu ari kufungidzirwa kuti auraya vanhu ava afa mushure mekurudzirana pfuti nemapurisa.
Forum