VaDonald Trump vatora mhiko yekuva mutungamiri wenyika yeAmerica vachikurudzira kuti pave nemaonero matsva. VaTrump vaita zvange zvisingafungirwe sezvo vadzoka mukutungamira nyika mushure mekumbokundwa musarudzo muna 2020 naVaJoe Biden.
Ndivo vave mutungamiri wenyika yeAmerica wechimakumi mana nenomwe kana kuti 47th President. Mushure mekugadzwa, vavimbisa kuzadzikisa zvavakavimbisa pavaitsvaga rutsigiro vachitanga nevanhu vari kugara nekupinda muAmerica vasina magwaro akakwana.
“Ndichashandisa masimba echimbichimbi kumuganhu wedu wekuchamhembe. Tichadzosera mamiriyoni nemamiriyoni ematsotsi akabva kune dzimwe nyika kwavakabva. Ndichatumira mauto kumuganhu uyu kuti varambidze vanhu ava kupinda munyika medu.”
Mutevedzeri waTrump VaJD Vance ndivo vatanga kutora mhiko.
Sezvavakamboita muna 2017, VaTrump vati vachagadzirisa zvakakanganiswa nehurumende iri kusiya basayemaDemocrats. Vatiwo vachadzikisa mari ino shandiswa nehurumende.
VaTrump vatiwo hakuchisina zvevanoda kuzviita ngochani, “Kutanga nhasi, wave mutemo weAmerica kuti kune murume nemukadzi chete.”
VaTrump vari kuuya mumasimba paine hondo inoytisa pakati peUkraine neRussia uye paine chibvumirano chisina kunyatsosimba pakati peIsarel nechikwata cheHamas.
Panya dzehondo VaTrump vati, “Tichayera kubudirira kwedu kwete ehondo dzatichakunda asi kutiwo dzatinopedza, asi pamwe zvakakoshesesa ihondo dzatisingarwe.”
VaTrump vadzokorora kuti vario kuda kutora mupata wePamana Canal unobatanidza Pacific Ocean neAtlantice Ocea uyo wakakosha munyaya dzekutengeserana. Parizvino uri pasi pePanama. “China ndiyo yakabata matomu kuPanama Canal. Isu patakaidzosera kuPana hatina kuipa kuChina. Takaipa kuPanama uye tiri kuitora zvakare.”
Vaimbova vatungamiri venyika vose vachiri vapenyu vange vari pakugadzwa kwaVaTrump. Vanoti VaBill Clinton, VaGeorge W Bush neVaBarack Obama.”
Pange paine vamwe vatungamiri venyika kubva kuArgentin, China neItaly uyewo dzimwe shoroma dzakaita saVaJeff Bezos-Amazon, VaEllon Musk, X, SpaceX neTesla naVaMark Zuckerberg- Meta (Facebook)
Joe Biden
Mangwanani vaive mutungamiri wenyika VaJoe Biden vanwa svutugadzike naVaTrump kumuzinda weWhite House vasati vaenfda vose kudare reUs Capitol kwage kuchinogadzwa VaTrump.
Forum