Gakava rekuti bumbiro remitemo rovandudzwa here kuti mutungamiri wenyika vaemmerson mnangagwa vatungamire kusvika muna 2030 pachirega kuitwa sarudzo riri kuenderera mberi munyika.
Mutungamiri webato reMDC VaDouglas Mwonzora vaudza Studio 7 kuti, “VaMnangagwa munhu akura ane 82 years.”
Vaenderera mberi vachiti, “ Pavanosvika 2028 vanenge vaine 86. Zvichireva kuti pavanopedza 5 years dziri kunzi vapihwe idzi, vange vave ne91. Hatina kubvira tataura sevana vezimbabwe kuti tinoda kutongwa nevakweguru vakadaro.”
Vemakereke vakakurudzira vamnangagwa kuti vasateerere vari kuvapesvedzera kuti varambe vari panyanga.
Asi vachipindura mumashoko kuvatori venhau, gurukota rezvekuburitswa kwemashoko VaJenfan Muswere vakati makereke aya ari kuda kupidigura hurumende uye havangaudze nhengo dzedare reparamende dzakasarudzwa nevanhu zvekuita. Vakatiwo vemakereke vari kuti bumbiro risavandudzwe vanopihwa mari nevekunze.
Forum