Mapurisa Osunga Vari Kuratidzira Kuti VaMnangagwa Vasarambire paChigaro

Vaimbova meya weChitungwiza VaLovemore Maiko vakapihwa mukana wekubvisa mari yechibatiso nezuro mushure mekusungwa nemusi weChipiri vachipomerwa mhosva yekutungamira kuratidzira kwakaita vanhu kuZengeza nemusi weChipiri vachiti havawirirane nekuti bumbiro remitemo rivandudzwe kuti mutungamiri wenyika VaEmmerson Mnangagwa varambe vachitungamira nyika.

Vachuchusi vakati VaMaiko nevamwe makumi mashanu vasati vasungwa vakaratidzira zvisiri pamutemo vachiimba kuti “2030 tazviramba”, “siyanai naye Chamisa” uye “Pasi na Mnangagwa.”

Kunyangwe pasina mhirizhonga yakaitika vachuchusi vari kuti ndicho chinangwa chevairatidzira ava. Mejastiriti Dennis Mangosi vakapa VaMaiko mukana wekubvisa madhora mazana maviri semari yechibatiso.

Gweta raVaMaiko, VaTapiwa Muchineripi vanova nhengo yesangano remagweta anorwira kodzero dzevanhu reZimbabwe Lawyers for Human Rights vanoti VaMaiko vakanzi vanofanira kudzoka kudare musi wa 17 mwedzi unouya.

Embed share

Hurkuro naVaTapiwa Muchineripi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:00 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player