Zvizvarwa zveZimbabwe zvange zvichikwikwidza kuva vatungamiri vemakomisheni eAfrican Union kuAddis Ababa, Ethiopia uko kuri kuitwa musangano wegungano iri wepagore.
Vatungamiri vana pamakomishina matanhatuvasarudzwa kusvika parizvino.
Munyori mukuru mubazi rezvematunhu VaJohn Bhasera vakundwa kuvamutungamiri webazi rezvekurima nebudiriro yemaruwa kana kuti “Agriculture, Rural Development, Blue Economy and Sustainable Environment Commission” Akunda musarudzo iyi ndiVaMoses Vilakati vekuEswatini
VaVilakati vawana mavhoti makumi matatu nematanhatu (36) panyika makumi mashanu neshanu dzavhota.
Doctor Agnes Mahomva chipangamazano muhofisi yemutungamiri wenyika vange vapinda musarudzo yekutungamira nyaya dzezvehutano vakundwa naAmai Amma Twum-Amoah vekuGhana avo vavhoterwa nenyika makumi mana neshanu (45) pane makumi mashanu neshanu dzavhota.
Amai Lerato Dorothy Mataboge vekuSouth Africa vasarudzwa kuti vatungamire komisheni yezvezvivakwa. VaBankole Adeoye vekuNigeria ndivo vasarudzwa kuti vatungamire komisheni yezverunyararo nemavhoti makumi mana nerimwe (41).
Kukomisheni inoona nezvehupfumi nebudiriro ichamboramba ichitungamirwa naVaAlbert Muchange vekuZambia vakasarudzwa muna 2021 sezvo pasina akawanikwa aine zvose zvinodiwa. VaMuchange vakangobata matomu pakamirira kuitwa sarudzo.
Forum