Sangano remubatanidzwa wenyika dzekumawirira reEuopean Union rawedzera nerimwe gore zvirango zvekusatengesera Zimbabwe zvombo zvehondo zvainoti zvinogona kushandiswa mukumbunyikidza kodzero dzevanhu.
Zvirango izvi zvawedzerwa kusvika musi wa20 Kukadzi gore rinouya.
Asi gungano iri rabvisa kambani yange yasara iri pazvirango yeZimbabwe Defence Industries kana kuti ZDI pazvirango. EU yati zvirango pazvombo zvasara hazvikanganise kudyidzana kwayo neZimbabwe munyaya dzehupfumi nekutengeserana.
Hatina kukwanisa kubata gurukota rezvekuburitswa kwemashoko VaJenfan Muswere kuti tinzwe divi ravo.
Gweta rinorwira kodzero dzevanhu vachitungamira sangano reAll Hands on Justice VaKennedy Masiye vati Zimbabwe haifanire kushandisa mauto kurambidza vanhu kuratidzira vachiti ndizvo zvinozogona kuti ikwanise kutengeserwa zvombo.
Forum