Hama neshamwari dza Amai
Lynde Francis, avo vaive mukurudziri wekodzero dzevanhu vanorarama neHIV/AIDS,
vabvumirana kuti mutumbi wemufi upiswe sechido chake achiri kurarama, wozovigwa
ari madoda.
Amai Francis vakashaya neChipiri ku Avenues Clinic mushure mekurwara kwenguva yakareba. Vakafanobata chigaro chemutungamiri we The Centre, Va Freddie Kachote, vanoti vaita musangano nemhuri yaMai Francis muHarare neChitatu masikati kuti vaite hurongwa hwekuradzika mufi.
Mai Francis vakatanga kuziva kuti vakange vaine hutachiwana hweHIV muna 1986, vakapedza makore makumi maviri nematatu vachirwira kodzero dzevanhu vanorarama neHIV/AIDS.
Marvellous Mhlanga Nyahuye weStudio7 aita hurukuro naVa Kachote kuti tinzwe kuti chiiyi chabuda pamusangano wanhasi.
Dzimwe Nhau Kubva kuStudio7...
