Mutambi wechikwata
chemaWarriors, Onismor Bhasera, anyorerana chibvumirano chemakore matatu
achitambira chikwata che Portsmouth chemuBritain. Portsmouth iri mu English
Premier League. Onismor akambonyinwa mvumo yekutamba nhabvu muBritain, asi sachigaro
ve Portsmouth, Va Peter Storrie, vakaisa chikumbiro chitsva, icho
chazotambirwa.
Mumwe mutambi wenhabvu anobva muZimbabwe, Benjani Mwaruwaru, akambotambira chikwata ichi, asati aenda kunotambira Manchester City.
Vaimbove murairidzi wechikwata chemaWarriors, VaCharles Mhlauri, vanoti vanofara zvikuru kuti Onsimor awana mukana wekutambira Pompey.
VaMhlauri vanoti Zifa inofanirwa kuita hurongwa hwekuunza zvikwata zvepamusoro munhabvu munyika kuti zvinge zvichitamba nechikwata chema Warriors. VaMhlauri vanoti izvi zvinoita kuti mutambo wenhabvu usimudzirwe munyika.
