ZIFA inoti iri kufara zvikuru nemafambiro akaita makwikwi e2009 Cosafa Senior Challenge Cup, ayo akapera munyika neSvondo.
Zimbabwe ndiyo yakatakura mukombe wegore rino mushure mekukunda Zambia 3-1.
Zvikwata zvinokwana gumi nezvina zvakange zviri mumakwikwi aya, ayo akatambirwa muHarare nemuBulawayo.
Sachigaro weZIFA, VaWellington Nyatanga, vanoti vakomana vema Warriors vakatamba bhora zvinofadza vatsigiri venhabvu.
