Mutungamiri weMDC, VaNelson Chamisa, vabuda munyika vachishanyira nyika dzemuAfrica vachidzizivisa mamiriro akaita zvinhu munyika.
Panguva iyo VaChamisa vanenge vari kunze kwenyika, Engineer Elias Mudzuri ndivo vanenge vakabata chigaro chaVaChamisa semutungamiri webato.
Mukuru anoona nezvekuburitswa kwemashoko muMDC, Va Luke Tamborinyoka, vanoti rwendo rwaVa Chamisa kunyika dzemu Africa, rwunouya mushure mekunge munyika maona mhirizhonga iri kukonzerwa nehurumende iyo yasiya ruzhinji rwevana veZimbabwe vari parumananzombe.
VaTamborinyoka vanotiwo nhengo huru dzebato ravo dziri kugara dzakaoneswa chitsvuku, nokudaro VaChamisa vanofanirwa kuzivisa vatungamiri vemuAfrica zviri kuitika muZimbabwe.
Asi VaTamborinyoka havana kudoma nyika dzichashanyirwa naVaChamisa, kunze kwekungoti vachadzoka munyika mukupera kwesvondo.
Facebook Forum