Chikwata cheCaps United chakunda chikwata che Shooting Stars 1-0 pamutambo wePremier Soccer League watambirwa kunhandare ye Rufaro neChina masikati.
Uyu wange uri mutambo wekutanga wange uchirairidzwa nemurairidzi mutsva, VaMoses Chunga.
Chief Executive veCaps United, Va Maxwell Mironga, vanoti vari kufadzwa nemarairidziro aita VaChunga neChina uye vane tarisiro yekuti chikwata chavo chichakunda chikwata che FC Victoria apo zvikwata zviviri izvi zvichatamba pamwe chete pamutambo uchatambirwa kuMasvingo pakupera kwesvondo.
VaMironga vanoti chikwata chavo chikaramba chichitamba zvakanaka chichakwanisa kushandura mamiriro achakaita pari zvino mumakwikwi ePSL sezvo shuwiro yechikwata ichi iri yekukwira kuti chisawanikwe chichidzikira izvo zvinozoita kuti chidzikisirwe kuDivision One.
