Chikwata cheGunners chinoti chatotanga kugadzirira mitambo yachoye first round yemakwikwi eConfederations of African Football Champions League.
Gunners ichatamba neAl Ahly yeku Egypt, uye mutambo wekutanga uchange uri muHarare masvondo maviri anotera.
Gunners yakapinda makwikwi aya zvichitevera kukunda kwayakaita zvikwata zvese zvemuPremier Soccer League gore rapera.
Aka ndikekutanga chikwata che Gunners chichipinda mumakwikwi aya. Asi Gunners inoti haisi kutyityidzirwa nehunyanzvi hune Al Ahly iyo yave nemakore akawanda ichitora mukombe weChampions League.
Gunners ne Dynamos ndidzo dziri kumirira nyika mumakwikwi aya.
