Sachigaro vechikwata cheHighlanders, vaThemba Ndlela, vanoti vari kufadzwa negadziriro yemutambo wavo neJomo Cosmos uchatambwa neSvondo kuJohannesburg Stadium muSouth Africa mukuedza kupedza kurwiswa kwemarudzi kwange kuri kuitika munyika iyi.
Highlanders ichasimuka neChishanu kunotamba mutambo uyu wehushamwari ne Jomo Cosmos kuSouth Africa. Mutambo uyu unotevera kurorwa nekuwuraiwa kwakaita vanhu vedzimwe nyika gore rapera pamhirizhonga yakaitika pakati pemarudzi munyika iyi.
