Chikwata chemutambo we rugby yevechidiki cheku Uganda chinoti hachichauyi kuzotamba neZimbabwe.
Chikwata ichi change chakatarisirwa kutamba neZimbabwe pamutambo we tri-nations chazivisa kuti hachichauye munyika sezvo vanhu vemunyika iyi vari kuchema hama dzavo dzakarasikirwa nehupenyu hwavo pakaputika mabhambu mumba yekudyira nekutandarira muKampala pakupera kwe2010 Fifa World Cup muSouth Africa.
Maneja wechikwata che Sables ne Rugby Under 15, VaNoddy Kanyangarara, vanoti havasi kufara nechiitiko ichi sezvo vakaisa simba ravo rose mukugadzirira mutambo uyu.
