Chikwata cheZimbabwe chekiriketi chakunda chikwata cheSri Lanka nemawiketsi masere pamutambo weZimbabwe Triangular Series watambirwa kuHarare Sports Club neMuvhuro masikati.
Sri Lanka ndiyo yatanga kutamba ikasvitsa 236 runs, Zimbabwe ikazotamba ikasvitsa 240 runs.
Mutambi weZimbabwe, Brendan Taylor, asvitsa 119 runs ayo abatsira chikwata chake kuti chikunde Sri Lanka.
Zvikwata zviviri izvi zvichatamba kumagumo emakwikwi aya neChitatu.
Vanoona nezvekuburitswa kwemashoko musangano reZimbabwe Cricket, VaJeffrey Murimbechi, vanoti hunyanzvi hwaTaylor nemutambi Tatenda Taibu ndiwo wabatsira chikwata cheZimbabwe kuti chikunde pamutambo uyu.
