Chikwata Zimbabwe Warriors chakunda chikwata chenhabvu cheku Malawi 2-1 pamutambo wehushamwari watambirwa kunhandare yeRufaro neChitatu masikati.
Malawi iri kushandisa mitambo iyi segadziriro yayo yemakwikwi eCHAN 2011, apo ichatanga kutamba neMozambique muchikamu chekutanga chemakwikwi aya svondo rino uya.
Chikwata chemaWarriors chinonzi chatamba zvinonwisa mvura pamutambo uyu uye mutambi wechikwata ichi,Tafadzwa Rusike, ndiye anwisa zvibodzwa zviviri izvi muchikamu chekutanga.
Mumwe mutsigiri wenhabvu, Fabian Mahembe, anoti Rusike aratidza kuti mutambi ane hunyanzvi.
