Masangano anomirira vanochera zvicherwa asangana muGwanda achikurukura mikana yekuti ange achipindawo mumabasa ekuita migodhi mikuru munyika.
Musangano uyu wapindwawo nevanhukadzi vanoita mabasa ekuchera zvicherwa. Musangano uyu wakurudzira hurumende kuti ipewo madzimai mukana wekuchera mangoda kwaMarange mudunhu reManicaland.
Studio7 haina kukwanisa kubata vanhukadzi vanga vari pamusangano uyu. Zimbabwe Miners Federation rimwe remasangano anga ari kuGwanda.
Va Wellington Takavarasha vanoshanda neZimbabwe Miners Federation. Vati sangano ravo riri kukurudzira hurumende kuti ipewo madzimai mikana yekuchera mangoda kwa Marange.
Va Gift Chimanikire ndivo mutevedzeri wegurukota rezvezvicherwa, uye vange vari kuGwanda. Vati hurumende yakaisa mitemo mitsva yekuti ipe mikana kune madzimai nevechidiki mikana yekuchera mangoda kwa Marange nezvimwe zvicherwa munyika.
