Chirongwa chitsva chekutsvaga nyanzvi mumutambo we Cricket che "fast bowler search” chapera kunhandare yeHarare Sports Club nhasi.
Chirongwa ichi chakatanga musi wa 23 Kurume kuQueens Sports Club muBulawayo. Vatambi vanobva kunharaunda dzakasiyana siyana munyika vakawanikwa vachitsvaga vatambi vane hunyanzvi vachazosarudzwa kupera kwemwedzi unouya kuti vamirire nyika muNational team.
Vatambi vachasarudzwa vachadzidziswa nenyanzvi dzepamusora dzinosanganisira bowling coach Heath Stream nemurairidzi wevechidiki veUnder 19 Kevin Curran kuti vawedzere hunyanzvi hwavo vasati vatorwa kuchikwata chinomirira nyika mumutambo uyu.
Vanoona nezvekuburitswa kwemashoko mu Zimbabwe Cricket, vaJeffrey Murimbechi, vanoti chirongwa ichi chirikupa vana vange vasina mukana wekutamba mutambo uyu dzira dzekutamba vari muchikwata chepamusoro soro cheNational team.