Bato tinopikisa reMDC nesangano rinorwira kodzero dzevanhu reZimbabwe Lawyers for Human Rights ari kushora zvikuru mamwe mapurisa kuHarare Central ari kupomerwa mhosva yekurova gweta rinorwira kodzero dzevanhu VaDoug Coltart.
VaDoug Coltart, mwana wevaimbova gurukota rezvedzidzo vari nhengo yeMDC VaDavid Coltart, uye vakarohwa apo vaimiririra mutungamiri weAmalgamated Rural Teachers Union of Zimbabwe VaObert Masaraure vainge vasungwa neMugovera.
Hatina kukwanisa kubata mutauriri wemapurisa Senior Assistant Commissioner Paul Nyathi sezvo munhu adaira nharembozha yavo ati vange vachitaura pane imwe nhare.
Munyori anoona nezvemutemo muMDC VaInnocent Gonese vanoti zvakaitwa nemapurisa aya zvinhu zvinongoratidza kuti hurumende iri kutonga nedemo.
Facebook Forum