Muimbi ane mukurumbira Thomas Mukanya Mapfumo anoti akanyorera mutungamiri wenyika VaEmmersom Mnangagwa tsamba achivakumbira kuti ivo nehurumende yavo vashande nesimba kuona kuti yadzora chiremera chevana veZimbabwe kuburikidza nekumutsiridza hupfumi hwenyika.
Mukanya, uyo akasiya anyora tsamba iyi asati asimuka kubva kumusha mwedzi wapera, anoti kutambura kwevanhu kwaakaona panguva yaakanga ari kumusha kunomurwadza chose, achiti Zimbabwe inyika yakanaka chose zvekuti anoda kuona vana vachatevera pamwe nevazukuru vachikura nekugara munyika yakagadzikana.
Mapfumo anoti hugaro hwevanhu hwakanaka ndicho chinhu chakanyanyokosha munyika, uye anokurudzira vanhu kuti vasiyane nezvekurwisana vakamirira mapato ezvematongerwo enyika, asi kuti vatarise mukuvaka nyika. Ngatinzweyi hurukuro yaaita naJonga Kandemiiri weStudio 7.
Facebook Forum