Misoro yeNhau dzaNhasi, Chitatu, Zvita 12, 2018.
Mutungamiri wenyika, VaEmmerson Mnangagwa, vanoti bato ravo harisi kuzowumba hurumende yemubatanidzwa nebato reMDC vachiti hurumende yavo yakazvipira kupedza dambudziko rekushayikwa kwemafuta edzimotokari pamwe nekukwira kuri kuita mitengo yezvinhu muzvitoro
Mumiriri weAmerica muZimbabwe, Ambassador Brian Nichols, vanoti munyika munofanirwa kuva nekutaurirana zvikuru pakati peZanu PF ne MDC kuitira kuti nyika ienderere mberi
Mutevedzeri wasachigaro weMDC, VaTendai Biti, vapihwa gwaro ravo rekufambisa pamwe nemagwaro emba yavo mushure mekunge dare ratambira chikumbiro chavo chekuti varerutsirwe zvavakatarirwa kuita apo mhosva yavo inenge ichitongwa mumatare.
Vagari vekuChipinge voendesa kambani yeGreenfuels kumatare vachiti kambani iyi haifanirwe kuvatorera minda yavo yavakasiirwa nemadziteteguru avo
Muchirongwa cheLiveTalk na 8pm tiri kutarisa zviri kuitwa nezvizvarwa zveZimbabwe zviri kunze kwenyika.
Kana muchida kupinda muchirongwa ichi, kanawo kutumira mashoko kuStudio7, shandisai WhatsApp nhamba dzinoti 001 202 465 0318…
Vanoda kuteerera Studio7, tibateyi na7pm pamasaisai anoti 909 am 4930; 6040, ne 15460 Kilohertz paShortwave mazuva ose.
Munokwanisawo kunzwa Studio7 na6 am - Muvhuro kusvika Chishanu, pamasaisai anoti 909 am, 4930, 7270, ne 9885 Short Wave
Facebook Forum