Mmwe mutevedzeri wemutungamiri wenyika VaConstantino Chiwenga vapinda mudare remakurukota nhasi kekutanga mumwedzi mina mushure mekudzoka kunorapwa kuChina.
Gurukota rezvevashandi Muzvinafundo Paul Mavima vanoti VaChiwenga vatambirwa nemufaro nemakurukota ehurumende uye varatidza kuti vange vachitevera zvange zvichiitwa kunyangwe vange vasipo.
Vachitaura nevatori venhau papera musangano uyu, gurukota rezvekuburitswa kwemashoko Amai Monica Mutsvangwa vati makurukota ange achipira kudare zvavakavimbisa kuti vange vachiita kumapazi avo kusanganisira nyaya dzehutano, zvivakwa, kuwaniswa kwevanhu mvura yakachena nezvimwe.
Vanhu vakawanda munyika vari kuchema chema kuti hupenyu hwavo huri kuramba huchioma nekuti hurumende iri kukundikana kuzadzikisa zvayakavimbisa kuita paya itsvaga rutsigiro musarudzo dzegore rapera.
Facebook Forum