Vagari vemuHarare vari kunyunyuta zvikuru nekusabuda pachena kwekomiti iri kutungamira kunyorwa kwebumbiro idzva remitemo mazuva achaitwa misangano yeCopac muHarare.
Copac yanga yamboti misangano iyi ichaitwa musi wa 19 Gumiguru. Asi zvinonzi Copac yava kuti iri kuda kutanga yanzwa kumapurisa kana achikwanisa kuzochengetedza runyararo musi uyu.
Nezuro, Copac yakati misangano iyi ichaitwa musi wa16 Gumiguru.
Vanoona nezvekufambiswa kwemabasa muHarare Residents Trust, VaPrecious Shumba, vanoti vagari vemuHarare vanoda kuudzwa chokwati maererano nemusi uchiitwa chirongwa chekunzwa pfungwa dzavu muguta ravo.