Vatambi vemutambo wekiriketi vechidiki vanosanganisira avo vane makore gumi nematatu kusvika pamakore gumi nepfumbamwe, vari pamakwikwi ekuratidza hunyanzvi hwavo pamitambo ye Inter-Francise Age Group tournaments iri kuitwa kuMasvingo, Mutare, Harare neBulawayo pari zvino.
Mitambo iyi yakatanga nezuro uye ichapera nechishanu.
Vatambi vachabudirira mumakwikwi aya vachasarudzwa kutambira zvikwata zvepamusoro zvemunyika.
Vanoona nezvekuburiswa mashoko musangano reZimbabwe Cricket, vaJeffrey Murumbechi, vanoti vari kufadzwa nemafambiro arikuita makwikwi aya kuzvimbo dzakasiyana siyana kwaarikuitwa kusvika Chishanu.
