Mukuru wezvirongwa zve AIDS and TB mubazi rezvehutano, DR Owen Mugurungi, vanoti hurumende iri kutsvaga mari yekubatsira zvirongwa zvekurwisa kupararira kwe HIV AIDS.
Vachitaura nemasangano akazvimirira anoshanda munyaya dze HIV/AIDS svondo rapera muHarare, DR Mugurungi vakakumbira masangano aya kuti abatane nehurumende mukurwisa kupararira kwechirwere ichi.
Tabata muzvare Lindiwe Chaza Jangira, National Director vesangano reZimbabwe Aids Network, kuti tinzwe maonero avo.
