Mutungamiri wenyika, VaEmmerson Mnangagwa, vari kuDubai, ku musangano wemazuva maviri weGlobal Business Forum Africa uyo uri kutanga nhasi.
Musangano uyu unonzi unounza pamwe chete vedzihurumende dzemu Africa ne United Arab Emirates neve mabhizimusi vakasiyanasiyana mukutsvaga nzira dzekushanda pamwechete mune zveupfumi nekutengeserana.
Muzvinafundo Elliot Masocha ve Devry University ku Ohio vanoti nzendo dzemutungamiriri wenyika dzawandisa asi vanhu vemu Zimbabwe vasina chavari kuona chiri kubuda munzendo idzi, zvikuru maererano nenyaya dzezvehupfumi nemabhizimisi.
Muzvinafundo Masocha vanoti kutadza kumutsidzira zvehupfumi nezve mabhizimisi pamwe chete nemamiriro ebhajeti regore rinouya ndizvo zvakakonzera kudonha kwehuremu hwedhora reZimbabwe pakaparurwa bhajeti regore rinouya, vachiti izvi zvinoratidza kuti veruzhinji havavimbi nehurumende.
Facebook Forum