Dunhu reMDC North America Rotanga Musangano Waro weKongiresi KuOhio

Bato reMDC inotungamirwa naVaNelson Chamisa riri kutanga nhasi manheru kuita kongiresi yemudunhu reNorth America muguta reColumbus kuOhio.

Kongiresi iyi ichange ichikokerwa nevanyarikani vakabva kuZimbabwe, vanoti sachigaro wemadzimai mubato iri, Amai Lynette Karenyi, nenhengo yeparamende, Amai Linda Masara, uye mumiriri weMDC kuBritain, VaElliot Pfebve.

Musangano uyu uchatanga nekunyoresa vanhu vari kubva kumatunhu eEast Coast, Canada neWest Coast. Mushure mezvo, nhengo dzabva kumatunhu dzichatanga kuzeya nyaya yezvinzvimbo zvichavhoterwa neMugovera zvichitevera mazita evanhu vakadomwa kuti vakwikwidze muzvinzvimbo izvi.

Vanoona nezvekufambiswa kwemisangano muMDC North America, VaNick Mada, vanoti bato ravo riri mubishi kuita makongiresi aro mumatunhu ose ari munyika, pamwe nekunze kwenyika pachigadzirirwa kongiresi huru, iyo ichaitwa mwedzi unouya, muna Chivabvu.

VaMada vanoti havatarisire kuti pangaita zvimhingamipinyi zvingakanganisa musangano wawo, uye vanotarisira kuti hutungamiri hwedunhu huchasarudzwa pamusangano uyu huchafambisa basa remusangano mberi.

Embed share

Hurukuro naVaNick Mada

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:36 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player