Zvigaro zvaVaBiti neVamwe Vavo Zvinonzi neDare reDzimhosva Hazvikwikwidzwe

Dare repamusoro nhasi ratambira chikumbiro chenhengo nhanhatu dzedare reNational Assembly chekuti kumatunhu adzo hakufaniri kuitwa saruydzo dzema by-elections sezvo dzainge dzadzingwa mudare zvisiri pamutemo.

Nhengo idzi dzinoti VaTendai Biti vekuHarare East, VaWillias Madzimure vekuKambuzuma, VaSettlement Chikwinya vekuMbizo, VaKucaca Phulu vekuNkulumane, Sichelisile Mhahlangu naVaRegai Tsunga vekuMutasa South.

Vatanhatu avavainge vadzingwa mudare naVaBenjami Rukanda vaizviti munyori webato rePDP.

Asi dare rakati VaRukanda vainge vasina mvumo yekudzinga vatanhatu ava basa.

Asi kunyange hazvo paive nemutongo uyu, Zimbabwe Electoral Commission yakazivisa kuti nzvimbo idzi dzaifanira kuitwa ma by-elections musi wa26 Kurume sezvakatarwa nemutungamiriri wenyika.

Mumwe wevatanhatu ava, VaWillias Madzimure, vanoti maConsituency avo ange asingafanire kugara ataurwa nezvawo nekuti ane vanhu kare.

Hatina kukwanisa kubata veZEC kuti tinzwe dzivi ravo panyaya iyi.

Vanhu vari kupinda muma by-elections aya vanofanira kunyoresa neZEC mangwana.

Embed share

Nyaya Ina Godwin Mangudya

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:29 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player