Va Ramaphosa Vanosarudzwa Kumirira ANC Musarudzo yeMutungamiri weSouth Africa

Mutevedzeri wemutungamiri weSouth Africa, VaCyril Ramaphosa, vava kutarisirwa kuzoitwa mutungamiri wenyika iyi kana vakakunda musarudzo yemutungamiri ichaitwa muna 2019.

Izvi zvinotevera kukunda kwavakaita musarudzo yemutungamiri webato reAfrican National Council, neMuvhuro.

VaRamaphosa vakakunda Amai Nkosazana Dlamini Zuma, uye vachange vari panyanga kwemakore mashanu anotevera.

Gweta, uye vari mukuru weZimbabwe Exiles Forum, Va Gabriel Shumba, vanoti vanotarisira kuti hukama hweZimbabwe neSouth Africa hucharamba huripo.

Va Shumba vanotiwo vanotarisira zvikuru kuti South Africa ibate zvakanaka zvizvarwa zveZimbabwe zvakapotera munyika iyi.

VaBhekitemba Nyathi vanobva kuGokwe vanoti shuviro yavo ndeyekuti VaRamaphosa vacharamba vachidyidzana mune zvematongerwo enyika neZimbabwe kuitira kuti nyika mbiri idzi dzibudirire.

VaRamaphosa vachange vaina VaDavid Mabuza semutevedzeri wavo.

Vamwe vakasarudzwa ndiVa Paul Mashantile, avo vachave mubati wehomwe, VaGwede Manashe, ndivo sachigaro mutsva, VaZenzo Mxunu ndivo munyori mukuru mubato, mutevedzerwavo ndi Amai Jessy Duarte.

Embed share

Nyaya Ina Moreblessing Munjoma

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:21 0:00

Pekupinda Napo Kuti Muone Zvamuri Kuda

• 32 kbps | MP3
• 48 kbps | MP3
• 16 kbps | MP3

Pop-out player