Vari Kunze kweNyika Vanotumira Mari Inodarika US$1.6 Billion

Bhanga guru renyika, reReserve Bank of Zimbabwe, RBZ, rakazivisa kuti mari yakapinda munyika kubva kuzvizvarwa zveZimbabwe zviri kunze kwenyika yakadarika bhiriyoni imwe chete nemazana matanhatu ezviuru zvemadhora zvemari yekuAmerica mugore rapfuura iri ra 2020.

Bhnga iri rinoti mari yakabva kuzvizvarwa zveZimbabwe chete yakadarika zvishoma pabhiriyoni rimwe remadhora ekuAmerica, kuchitiwo mazana matanhatu ane makumi mana nemanomwe emamiriyoni ane zviuru mazana masere zvemadhora, kana kuti US$647.8 million ichitumirwawo kumizinda yedzimwe nyika pamwe nemasangano akazvimirira, zivo zvakasvitsa huwandu hwemari yose pa US$1.647 billion.

Mari iyi yakakwira nezvikamu zvinodarika zvishoma makumi mana nezviviri kubva muzana kana zvichienzaniswa nemari yakapinda munyika muna 2019.

Chimwe chizvarwa cheZimbabwe chiri kuBritain, vari nhengo yeZanu PF, Doctor Simba Mavaza, vanoti mari yakapinda munyika inodarika iri kutaurwa neRBZ zvakanyanya vachiti imwe mari yakawanda inotumirwa nevanhu vasingashandise mikana yekutumira mari iri pamutemo.

Asi Doctor Mavaza vanoti kuwanda kwemari iri kubva kunze uku kunofanirwa kuita kuti hurumende ikoshese zvakanyanya bandiko rezvizvarwa zveZimbabwe zviri kunze mukuvaka hupfumi hwenyika.

Embed share

Hurukuro naDoctor Simba Mavaza

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:22 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player