Vaimbove Mutungamiri weNyika, VaMugabe neMudzimai Wavo Voramba Vari paZvirango zveEuropean Union

Sangano reEuropean union razivisa kuti vaimbove mukuru wemapurisa munguva yehutongi hwaVaRobert Mugabe, VaAugustine Chihuri, pamwe nevaimbove mukuru wevasori, VaHappyton Bonyongwe, havachisiri pazvirango zvakatemerwa vamwe vakuru vehurumende nesangano iri.

Asi sangano iri rinoti vaimbove mutungamiri wenyika VaMugabe, pamwe nemudzimai wavo, Amai Grace Mugabe, vacharamba vari pasi pezvirango zvehupfumi kunyangwe zvavo vasisiri pachigaro.

Kambani yehurumende inogadzira zvombo yeZimbabwe Defence Industries yanzi icharambawo iri pasi pezvirango izvi.

Vachitaurawo padandemutande reTwitter, munyori mubazi rezvekuburitswa kwemashoko, VaNick Mangwana, vati vari kutambira zvaturwa nesangano reEuropean Union izvi sezvo zviri kuratidza kuti sangano iri riri kufadzwa nemabasa ari kuitwa nemutungamiri wenyika VaEmmerson Mnangagwa ekuedza kudyidzana zvakare nedzimwe nyika.

Asi vanoti shuviro yavo senyika ndeyekuti zvirango izvi zvibviswe zvachose.

Dr Pedzisai Ruhanya vesangano re Zimbabwe Democracy Institute, uye vachiita zvidzidzo zvepamusoro paUniversity of Johannesburg muSouth Africa, vanoti zvinoshamisa kuti VaMugabe vasiyiwa vari pasi pezvirango sezvo vakwegura uye vasisiri pachigaro.

Embed share

Hurukuro naDr Pedzisai Ruhanya

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:17 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player