VaMutsvangwa Vovimbisa Vatori veNhau Uchi neMukaka

Gurukota rezvekuburitswa kwemashoko, VaChris Mutsvangwa, vanoti vanoda kubvisa mitemo inoomesera vatori venhau kuitira kuti vaite basa ravo nemazvo.

VaMutsvangwa, avo vakamboita mukuru we Zimbabwe Broadcasting Corporation, vanoti sezvo vakamboshanda semutori wenhau, vachashanda zvakasimba mukuona kuti vatori venhau vaite hupenyu hune chiremera.

VaMutsvangwa vanoti havadi kuti vatori venhau vatambure sezvavakaita apo Professor Jonathan Moyo vaive gurukota rezvekuburitswa kwemashoko.

VaMutsvangwa vanoti vachaonwo kuti vatori venhau vabhadharwa zvakakwana kuitira kuti vaite basa ravo vachifara.

VaMutsvangwa vakagadzwa segurukota rezvekuburitswa kwemashoko neChina manheru nemutungamiri mutsva wenyika, VaEmmerson Mnangagwa.

Kudomwa segurukota rezvekuburitswa kwemashoko kwavakaitwa, kwava kureva kuti VaMutsvangwa vava kusiya chigaro chavo sasachigaro weZimbabwe National Liberation War Veterans Associations.

Embed share

Hurukuro NaVa Chris Mutsvangwa

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:50 0:00

Pekupinda Napo Kuti Muone Zvamuri Kuda

• 32 kbps | MP3
• 48 kbps | MP3
• 16 kbps | MP3

Pop-out player