Hurumende yeZimbabwe yaramba mashoko ekuti yakanyorerana chibvumirano neIran chekuti ichere uranium yekushandisa muhurongwa hwayo hwekugadzirira zvombo zvehondo.
Bepanhau remuUnited Kingdom, The Telegraph, rinoti chibvumirano ichi chakanyoreranwa pasi mwedzi wepafuura, apo gurukota rehurumende, Va Didymus Mutasa, vakashanyira Iran.
Asi gurukota rezvemaindasitiri, Va Welshman Ncube, vanoti hapana chakanyoreranwa pasi panyaya iyi kunyange hazvo makurukota eZimbabwe neIran akasainirana zvibvumirano zvekudyidzana munya dzinosanganisirawo zvicherwa.
VaNcube vati pari zvino hapana akanatsa kuona kuti Zimbabwe ine uranium here kana kuti kwete, kunyange hazvo pakambobuda mashoko ekuti Zimbabwe ine uranium.
Va Dewa Mavhinga vanoshanda sachipangamazano musangano reHuman Rights Watch. VaMavhinga vanoti chinonetsa muZimbabwe inyaya yekuti zvibvumirano izvi zvinonyoreranwa muchivande zvichibatsira kuvandudza hupenyu hwevane hukama nevatungamiriri, zvikuru veZanu-PF kwete vanhuwo zvavo
Gurukota rezvemaindasitiri, Va Welshman Ncube, vati hapana chakanyoreranwa pasi panyaya iyi kunyange hazvo makurukota e Zimbabwe ne Iran akasainirana zvibvumirano zvekudyidzana munya dzinosanganisirawo mighodhi.
