VanoRojesa Dzimba kuVictoria Falls Voda Kubhadharwa neMadhora ekuAmerica

Vanedzimba dzekurojesa muVictoria Falls vanonzi vave kuda kubhadharwa nemadhora eku America, kwete nemari yemu Zimbabwe.

Izvi zvinonzi zvave kunyanya kuomera vashandi vehurumende muguta iri, zvikuru sei masoja nemapurisa avo vanonzi vamwe vavo vave kugara mumatende pahofisi yemapurisa mushure mekudzingwa mudzimba dzavairoja pamusoro pekutadza kubhadhara nemari yekunze.

Vakuru vemapurisa varamba kuti pane masoja nemapurisa arikugara mumatende pamahofisi avo, vachiti titaure nevakuru vavo kuHarare.

Kanzura veWard 6 muVictoria Falls, VaEphias Mambume veMDC Alliance, vaudza Studio 7 kuti sezvo pamahofisi emapurisa pachigara paine matende, havasikuziva kuti ichokwadi here kuti mamwe mapurisa nemasoja vave kutogara mumatende aya pamahofisi yemapurisa.

VaMambume vati nyaya iyi haisi yezvematongerwo enyika asi yezvemihoro yevanhu vanoshandira hurumende vasingapiwe mari inokwana kuriritira mhuri dzavo.

Asi munyori mukuru mubazi rezvekuburitswa kwemashoko VaNick Mangwana vanoti handi chokwadi kuti mapurisa ari kugara mumatende nekushaya pekugara. Vanoti matende akaiswa nekuti pane basa ravari kuita pakamba apa.

Embed share

Hurukuro naVaEphias Mambume

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:01 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player