MDC Alliance Inodoma Hutungamiri Hutsva

Mubatanidzwa weMDC Alliance neMuvhuro wakasarudza vanga vari mutungamiri webato reMDC, Muzvinafundo Welshman Ncube pamwe naVaMorgan Komichi, avo vanga vari sachigaro veMDC-T yaVaNelson Chamisa kuti vave vatevedzeri vemutungamiri webato.

Vaviri ava vanenge vachibatana naVaElias Mudzuri, avo vagara vari mutevedzeri wemutungamiri weMDC-T inotungamirwa naVaNelson Chamisa avo vari kutungamira mubatanidzwa uyu, uyo unonzi rave bato rezvematongerwo enyika.

VaJacob Mafume, avo vanga vari mutauriri webato rePDP, iro riri mumubatanidzwa uyu, vanonzi ndivo vave mutauriri webato reMDC Alliance.

Muzvare Thabitha Khumalo, avo vanga vari mutauriri weMDC-T yaitungamirirwa naVaChamisa, vanonzi ndivo vakasarudzwa kuva sachigaro webato reMDC Alliance, vachiteverwa naVaTendai Biti, avo vanga vari mutungamiri wePDP.

Muzvare Khumalo vaudza studio 7 vakagadzirira kusimudzira bato iri, vachiti vachagara pasi naVaKomichi kuti vavaudzwe mafambisiro avaiita basa sasachigaro vebato.

MDC Alliance ine mapato manomwe akabata kuumba mubatanidzwa uyo wakakwikwidza musarudzo dzakaitwa muna Chikunguru gore rino.

Embed share

Hurukuro naMuzvare Thabitha Khumalo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:44 0:00

Pekupinda Napo Kuti Muone Zvamuri Kuda

• 48 kbps | MP3
• 16 kbps | MP3
• 32 kbps | MP3

Pop-out player