MDC Inoti Hapana Zvine Musoro Pane Zvichataurwa naVaMnangagwa kuUnited Nations

Mutungamiri wenyika, VaEmmerson Mnangagwa, vanotarisirwa kutaura mberi kwesangano re United Nations General Assembly muma awa mashoma.

Uku kuchave kekutanga VaMnangagwa vachitaura mberi kwedare iri semutungamiri wenyika.

MDC Alliance inotungamirwa naVaNelson Chamisa inoti haina chainotarisira kubva mune zvichataurwa naVaMnangagwa nekuti Zimbabwe ine zvinoinetsa zvakawanda zvinoda mutungamiri ari pamutemo.

Mutauriri weMDC, VaJacob Mafume, vaudza Studio 7 kuti kutaura kusangano reUnited Nations hakuna zvakunoreva sezvo sangano iri richingotambira vanhu vese vese pasina rusarura.

VaMafume vapa muenzaniso wevatungamiri vakaita saVaSaddam Hussein, Fidel Castro nevamwe vavanoti dzaive mhondi dzakamira mberi kweUnited Nations General Assembly.

VaMafume vanoti VaMnangagwa vanofanira kukuridzirwa kuti vagadzirise nyaya dzekodzero yavo kuve mutungamiri wenyika.

Embed share

Hurukuro naVaJocob Mafume

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:05:17 0:00

Pekupinda Napo Kuti Muone Zvamuri Kuda

• 48 kbps | MP3
• 16 kbps | MP3
• 32 kbps | MP3

Pop-out player