Misa Zimbabwe Yomirira Kunzwa kuHurumende Pamire Vatori veNhau paHorongwa hweKubayiwa Nhomba yeCovid-19

Sangano rinomirira vatori venhau, reMedia Institute of Southern Africa - Zimbabwe, Misa Zimbabwe, rinoti rakamirira kunzwa kubva kuhurumende mushure mekuendesa chichemo charo kuhurumende richiikurudzira kuti vatori venhau vave vamwe vevashandi vanokosha vachatanga kubaiwa mushonga wenhomba we Covid-19.

Mushonga uyu wakapinda munyika neMuvhuro uchibva kuChina.

Hurumende yakagara yatara vatori venhau sevashandi vanokosha, ikavabvumidza kushanda panguva iyo vamwe vashandi vainzi vagare mudzimba panguva yekurwisana nekupararira kwchirwere cheCovid-19.

Mukuru weMisa Zimbabwe, VaTabani Moyo, vaudza Studio 7 kuti vatori venhau ndevamwe vevashandi vari mberi mukurwisa chirwere cheCovid-19, nokudaro vanofanirwa kupiwa zvikwanisiro zvekuzvidzivirira pavanenge vachiita basa ravo.

Hurumende yakazivisa kuti vanhu vachatanga kupihwa nhomba iyi vanhu vanoshanda muzvipatara nemakiriniki, pamwe nemamwe mapazi ehurumende anosangana neveruzhinji.

Studio7 haina kukwanisa kunzwa kubazi rezvekuburitswa kwemashoko kuti nyaya yevatori venhau yava papi.

Embed share

Hurukuro naVaTabani Moyo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:41 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player