Kongiresi yeMDC Yoenderera Mberi muGweru

MDC inotungamirwa naVaNelson Chamisa inoti iri kuenderera mberi nekongiresi yayo zvisinei nenyaya dziri mumatare.

Izvi zvinotevera chikumbiro cheimwe nhengo yeMDC, Amai Maureen Tawenga, chekuti kongiresi iyi imiswe pamwe nemutongo wakaturwa nedare repamusoro svondo rapera chekuti MDC inofanira kuita kongiresi yechimbichimbi.

Nyaya yakakwidzwa kudare naAmai Tawenga yekumisa kongiresi iyi yaraswa nemutongo wedare repamusoro, Amai Edith Mushore, ichinzi haisi nyaya inganzwikwe nechimbichimbi.

Mutauriri weMDC, VaJacob Mafume, vaudza Studio7 kuti hapana chinovatadzisa kuti vaenderere mberi nekongiresi yavo.

Kongiresi yeMDC iri kuitirwa kuGweru uko VaChamisa vari kutarisirwa kusarudzwa semutungamiri webato kunyange hazvo vamwe muMDC vachiti pane zvakawanda zvisina kufambiswa zvakanaka zvichitevera kufa kwemutungamiri webato iri wekutanga, VaMorgan Tsvangirai, zvinosanganisira matorero akaita VaChamisa hutungamiri hwebato iri.

Embed share

Nyaya Ina Thomas Chiripasi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:57 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player