VaDonald Trump Vanoti Varikushandisa Mushonga Unonzi Navanachiremba Hauna Humbowo Hwekushanda PaCovid-19

Mutungamiri we America, VaDonald Trump, vaudza vatori venhau kuti varikutora mushonga unonzi ‘hydroxychloroquine’ kuti vazvidzivirire kubva kuchirwere che Covid-19.

Mushonga uyu unoshandiswa mukurapa zvirwere zvakaita se malaria nepanobatana mapfupa, kana kuti ‘arthritis’, asi vanachiremba vanoti hapana humbowo hwekuti mushonga uyu unorapa kana kudzivirira chirwere che Covid-19.

VaTrump vati vave nemasvondo matatu vachitora mushonga uyu, vachiti chiremba wavo haana kuvaudza kuti vatore mushonga uyu asi ivo vakaukumbira kubva kuna chiremba wemuzinda weWhite House.

VaTrump vaudza vatori venhau kuti, “Ndakatanga kunwa mushonga uyu nekuti ndinofunga kuti mushonga wakanaka uye ndakanzwa zvakawanda zvakanaka pamusoro pemushonga uyu.”

Dr Simbiso Ranga, avo vanoshandira mudunhu reNorth Carolina, vanoti pakaitwa ongororo dzakawanda nezvipatara zvepamusoro asi hapana zvakambobuda zvichiratidza kuti mushonga uyu unoshanda paCovid-19.

Vanachiremba vazhinji nezvipatara zvizhinji zvakambotauravo kuti hapana humbowo hwekuti mushonga uyu unobatsira asi VaTrump vanotsika madziro vachiti mushonga uyu unobatsira.

Dr Ranga vati havakurudziri vanhu kutora mushonga uyu mukudzivirira kana kurapa Covid-19 vachiti mushonga uyu unogona kukuvadza neimwe nzira pachinhambo chekubatsira.

Embed share

Hurukuro naDr Simbiso Ranga

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:49 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player