Rimwe sangano rinomirira vakoti, reZimbabwe Professional Nurses Union (ZPNU), ranyora magwaro enyunyuto kumushandirwi anove Health Services Board pamwe nekubazi rezvehutano, richikurudzira kuti mashandiro evakoti avandudzwe, zvikuru mihoro yavo, uyewo kuti vakwidziridzwe kumabasa.
Mutungamiri wesangano iri, VaRobert Emmanuel Chiduku, vanoti vatora danho iri nekuona kuti hurumende yakavhara mukana wekuita nhaurirano nevashandi pasi peTripartite Negotiating Forum, zvavanoti zvave kuita kuti hurumende ingoita zanu ndoga.
Studio 7 haina kukwanisa kubata bazi reHealth Service Board kanawo bazi rezvehutano kuti tinzwewo mativi avo panyaya iyi.
Asi VaChiduku vanoti vachapa vashandirwi masvondo maviri ekupindura kumagwaro avo enyunyuto avasvitsa vachiti kukundikana kwekugadziriswa kwenyunyuto dzavo vachazopa chiziviso chekuti vakoti vachazokanda mapadza pasi.
Your browser doesn’t support HTML5
Hurukuro naVaRobert Emmanuel Chiduku