Vaimbova gurukota rezvemukati menyika uye vakazoita rezvedzimba munguva yehurumende yemubatanidzwa, VaGiles Mutsekwa vebato rinopikisa reMDC-T rinotungamirwa naVaDouglas Mwonzora vashaya.
VaMutsekwa vange vari mutevedzeri wasachigaro webato iri. Vaigarawo vachitaura panhepfenyuro yeStudio 7.
VaMutsekwa vainge vri muchiuto vakasiya vave major. Mutevedzeri wemutungamiri webato reMDC-T VaElias Mudzuri vati VaMutseyekwa vasiya gwanza rakakura mubato ravo.
Mutauriri webato reMDC T VaWitness Dube vanoti VaMutsekwa vange vave nemwedzi mitatu vachirwara vasingaende kubasa. Asi vanoti yange iri shuviro nemunamato wavo kuti vadzoke kubasa.
Your browser doesn’t support HTML5
Hurukuro naVaWitness Dube