Vanhu vakawanda muAmerica vataura neVoice of America vanoti nyaya yehupfum ndiyo yavari kunyanya kutarisa pavachavhota musarudzo dzakakosha zvikuru dzedare reHouse of Representatives neSenate.
Izvi zvinonzi nenyanzvi munyaya dzezvematongerwo enyika zvichaomesera zvakanyanya bato riri kutonga remaDemocrats zvichipa mukana kubato rinopikisa remaRepublicans.
Ongororo yakaitwa ne Monmouth University inoratidza kuti vanhu zvikamu makumi masere nemaviri kubva muzana kana kuti 82% havasi kufara nekudhura kwemitengo yezvinhu uye vanhu vatatu pavanhu gumi vanoti havasi kufara nezvirongwa zvekugadzirisa hupfumi zviri kudzikwa nemutungamiri wenyika VaJoe Biden vebato remaDemocrats.
USA-WOMEN/PROTEST
Asi vamwe vanotiwo havasi kufara nemitemo iri kuda kudzikwa nemaRepublicans yekuti madzimai asabvumidzwe kubvisa mimba kunyangwe hupenyu hwavo huri munjodzi.