Kwasara mazuva mashanu kuti America iite sarudzo dzepakati nepakati kana kuti mideterm dzedare reHouse of Representatites, Senate, magavhuna nemamwe mahofisi, mutungamiri wenyika VaJoe Biden vari kuyambira kuti vanhu vari kuti sarudzo dziri kubirirwa pasina humowo vave kukanganisa hutongo hwejekerere.
VaBiden vakataura izvi nezuro pachiteshi chezvitima paUnion Station muWashington DC. Vakati pane vamwe vanhu vari kukukwidza musarudzo dzedare reHouse of Representatives, senate uye magavhuna vari kuti vakakundwa havatambire zvinenge zvabuda musarudzo.
VaBiden vakashora vaimbova mutungamiri wenyika VaDonald Trump nekuramba kwavo kuti vakakukundwa musarudzo dza2020 zvavanoti zviri kupesvedzera vamwe kuti vashaye vimbo nesarudzo.
Asi vebato remaRepublican vanoti VaBiden vari kungotaura zvisina humbowo vachiziva kuti bato ravo ratarisana nekukundwa musarudzo