Sangano reMo Ibrahim Foundation raburitsa gwaro rinoti nyika zhinji dzemuAfrica kusanganisira Zimbabwe hadzina kunyatsogadzikana uye kuve nehutongo hwejekerere pachitariswa makore gumi adarika.
Gwaro iri rinonzi Ibrahim Index of African Governance kana kuti IIAG raburitswa nhasi.
Panyika makumi mashanu neina (54) dzange dzichiongororwa, makumi matatu dziri kudzokera kumashure.
Zimbabwe iri pachidanho chechimakumi maviri nepfumbamwe panyaya yekugadzikana
Kuratidza kusamira zvakanaka kwezvinhu muAfrica, kubva muna 2012 kusvika gore rapera, mauto akapidigura kana kuyedza kupidigura hurumende kanosvika makumi maviri nematatu.
Asi Zimbabwe inonzi hayo iri kuita zviri nani munyaya dzekusimudzira hupfumi, kuchengetedza nyika.
Asi panyaya yekuremekedza kodzero dzevanhu iri kunzi yananga kumawere. Hatina kukwanisa kubata gurukota rezvemitemo VaZiyambi Ziyambi kuti tinzwe divi ravo.