Mutungamiri weAmerica, VaJoe Biden vakazivisa dare reparamende yavo reCongress svondo rino kuti vachamisa kushanda kwemitemo miviri yechimbichimbi yakanga yadzikwa munguva yekurura kwedenda re Covid-19.
VaBiden vakazivisa kuti vachamisa kushanda kwemitemo miviri yechimbichimbi iyi musi wa 11 Chivabvu gore rino, vachiti nyika zhinji dzepasi rino dzave pedyo nekudzokera padzaive denda iri risati rauya.
Chizvarwa chekuZimbabwe vari nyanzvi mune zvehutano, Doctor Simbiso Ranga, vanoti kupera kushanda kwemitemo miviri yechimbichimbi iyi muAmerica kunenge kwave kureva kuti hurumende inenge yave kutora Covid-19 sechirwerewo zvacho chisina njodzi yakanyanya chakafanana nedzihwa kana manyoka.
Vanoti izvi zvinenge zvave kurevawo zvakare kuti hurumende yeAmerica inenge isisapindire pakubhadhara mari dzekurapwa kwevanenge vabatwa nechirwere ichi.
Your browser doesn’t support HTML5
Hurukuro naDr. Simbiso Ranga