Sangano re Zimbabwe Election Support Network, ZESN, rinoti rakaburitsawo gwaro raro riri kuongorora kuti gwaro rekutarwa kwematunhu rekutanga rakaburitswa neZimbabwe Electoral Commission, ZEC, riri kuisa zvose zvinotarisirwa nemutemo here.
Sangano iri rinoti rakaita izvi mushure mekunge iro nemamwe masangano akazvimirira vakaita misangano mumatunhu akasiyanasiyana vachiita hurukuro nevagari mukuedza kunzwisisa kuti chirongwa chekutarwa kwematunhu ichi chakafamba sei? Mushure memisangano iyi, veZESN vakazoburitsa gwaro rinotaridza zvakawanikwa kubva mumisangano iyi.
Mukuru anoona nezvekurongwa kwemabasa musangano re ZESN, Muzvare Ellen Dingani vanoti vari kufara kuti zvimwe zvezvinhu zvavakange vave nemakore vachikumbira kuti zvivandudze munyaya dzesarudzo zvakaiswawo mugwaro reZEC iri.
Your browser doesn’t support HTML5
Hurukuro naMuzvare Ellen Dingani