Nhengo dzesangano reoperation Dudula dzisiri kuda kuti zvizvarwa zveZimbabwe zvigare munyika iyi zvaratidzira panze pedare repamusoro muPretoria nhasi zvichiti zviri kuda kuti zvizvarwa zveZimbabwe zvidzingwe munyika iyi kusanganisira zvine magwao eZimbabwe Exemption permits zviri kusvika kwamvura yacheka makumbo muna Chikumi.
Sachigaro weOperation Dudula VaDan Radebe retimes Live kuti kuratidzira uku kwange kwakanangana nekuda kuratidza kusafara kwavo nekuwedzerwa nemwedzi mitanhatu kuti magwaro EZEP ashande.
Mumiriri weZimbabwe muSouth Africa VaDavid Hamadziripi vakaudza vatori venhau svondo rapera kuti hurumende yakagadzirira kutambira zvizvarwa zvayo vinoda kudzokera kumusha.
Vanoona nezvekufambiswa kwemabasa musangano rinorwira kodzero dzevanhu reSouthern Africa Liaison Office VaMunjodzi Mutandiri vati ikodzero yevanhu vose kuratidzira asi veDudula vaifanira kunge vakabatana nehurumende payakaenda kumatare. Asi vati havaone zvavo dare richitadziswa kuita mutongi gava.
MuSouth Africa mune zvizvarwa zveZimbabwe zvinosvika zviuru zana nemakumi masere kana kuti 180 zvine magwaro eZEP aya.
Your browser doesn’t support HTML5
Hurukuro naVaMunjodzi Mutandiri