Muchirongwa chedu chemagitare chesvondo rino tine hurukuro nemuimbi wechidiki achiri kusimukira, Tanaka Muteka, uyo anoti ari kuruka dambarefu idzva rine nziyo dzakaita saana "Bhebhi Uriko" na "Mukana."
Tanaka anoti akatanga zvemagitare gore rakapera asi vabereki vake vakanga vasingazvifariri, asi iko zvino vave kuona kuti ane gwara rinotevedzeka zvekuti ave kuitawo mashowo, zvikuru mudhorobha raanogara reChinhoyi.
Muimbi uyu anoti mamwe ematambudziko aanosangana nawo anosanganisira kushaya mari inokwana kuti atsikise mimanzi yemhando yepamusoro, kana kuitisawo mavhidhiyo ekuti agone kufadza vanotevera mimhanzi yake nekukwezva vamwe pamadandemutande ake.
Your browser doesn’t support HTML5
Vhidheyo yekuona, Tanaka we Kwamuteka
Mumashoko ake kuvatsigiri vemimhanzi yake, Tanaka anoti anopa kutenda zvikuru uye anoshuvira kuti nzira dzake dzivhurwe kuitira kuti agone kuimba zvinofadza vakawanda uye agonewo kukwezva vanhu vakawanda kana achiridza.
Vanoda kumubata vanokwanisa kumuwana pamadandemutande anoti Facebook ne Youtube pasi pezita rekuti Tanaka Leslie.
Nhamba dzake dzenharembozha dzinoti +263 782 908 500.
Your browser doesn’t support HTML5
Hurukuro naTanaka Muteka - WOZA FRIDAY